Qüdrət Həsənquliyevdən İlham Əliyevə təbrik mesajı

Prezidentliyə namizəd olmuş Qüdrət Həsənquliyev qələbə münasibətilə İlham Əliyevi təbrik edib.

Bütöv Azərbaycan Xalq Cəbhəsi Partiyası prezident seçkilərinin ilkin nəticələri ilə bağlı bəyanat yayıb.

Bəyanatda deyilir ki, Bütöv Azərbaycan Xalq Cəbhəsi Partiyası 7 fevral 2024-cü il tarixində keçirilən növbədənkənar prezident seçkilərində əsas rəqibinin Azərbaycan torpaqlarını işğaldan azad edən İlham Əliyevin olacağını bildiyindən seçkilərin elan olunduğu ilk günlərdə seçkilərə qatılmağa tərəddüd etsə də, ölkəmizdə köklü islahatlara ehtiyac olması zərurətini qəbul edərək, “Ədalət, Hüquq, Demokratiya” şüarı, “Böyük Dəyişikliklər” seçki proqramı ilə prezident seçkilərinə qatılıb.

“Ölkəmizin müxtəlif regionlarında və paytaxtda seçicilərlə çoxsaylı görüşlər keçirilib. Seçkilərin nəticələri İlham Əliyevin inamlı qələbəsi ilə yanaşı, sivil ölkələrdə olduğu kimi ölkəmizdə də güclü çoxpartiyalı sisitemin yaranmasına yol açacaq ciddi siyasi isalahatların aparılması zərurətini növbəti dəfə nümayiş etdirib. Biz seçkidə inamlı qələbə qazanaraq yenidən ölkə prezidenti seçilən İlham Əliyevi təbrik edir, fəaliyyətində uğurlar arzu edirik”, – deyə qeyd olunub.