"Anadolu Ankası - 2025" təlimi başa çatıb | Hərbçilər yüksək peşəkarlıq nümayiş etdirdi

Türkiyənin Konya şəhərində keçirilən "Anadolu Ankası – 2025" beynəlxalq axtarış-xilasetmə təlimi uğurla başa çatıb.

İştirakçılara təlimin gedişatı barədə statistik məlumatlar verilib, beynəlxalq axtarış-xilasetmə təliminə həsr olunan qısametrajlı videogörüntü təqdim edilib.

Beynəlxalq təlimə cəlb edilən iştirakçılar tərəfindən müxtəlif epizodların praktiki icrası media nümayəndələri və qonaqlar tərəfindən izlənilib.

Daha sonra Türkiyə Hərbi Hava Qüvvələrinin "Türk Yıldızları" aviaqrupunun təqdimatında nümunəvi uçuşlar keçirilib. Tədbirin sonunda iştirakçı heyətlər tərəfindən qarşılıqlı hədiyyələr təqdim edilib, xatirə fotoları çəkdirilib.

Qeyd edək ki, qardaş ölkədə keçirilən "Anadolu Ankası – 2025" beynəlxalq axtarış-xilasetmə təlimində Azərbaycan Hərbi Hava Qüvvələrinin şəxsi heyəti yüksək peşəkarlıq nümayiş etdirib.