"Bu qurultayın iştirakçıları ya sürgün edildilər, ya da..." | Bakıdakı toplantının tarixi mahiyyəti

“100 il əvvəl 131 türkoloqun iştirakı ilə belə bir qurultayın keçirilməsi, 17 iclasda 38 məsələnin günlərlə müzakirəsi çox vacib hadisədir”.

Bunu Birinci Türkoloji Qurultayın 100 illiyinə həsr olunmuş layihənin yeni buraxılışında “Türk ədəbiyyatı” dərgisinin baş yazarı İmdat Avşar deyib.

O qeyd edib ki, təxminən 100 il sonra bir qismi ilə bağlı nəticə əldə edilən – ortaq dil, əlifba, ədəbiyyat, dərs kitabları kimi məsələlərin təməlləri Birinci Türkoloji Qurultayda qoyulub. İmdat Avşar vurğulayıb ki, bu da Qurultayda iştirak edən elm adamlarının nə qədər uzaqgörən olduğunu bir daha sübut edir.

“İosif Stalinin 1937-ci ildə başlatdığı təzyiq, təqib və şiddət siyasəti türkologiya ilə məşğul olan elm adamlarının ya edamına, ya da sürgün edilməsinə zəmin hazırladı”, – deyə o, sözlərinə əlavə edib.