"Erməniləri bataqlığa sürükləyən balıq beyinli xadimlər" | QƏRBİ AZƏRBAYCAN XRONİKASI

“Qərbi Azərbaycan Xronikası” layihəsi çərçivəsində növbəti analitik süjet hazırlanıb.

“Erməniləri bataqlığa sürükləyən balıq beyinli xadimlər” adlı süjetdə qərbi azərbaycanlılarla bağlı həqiqəti gizlətmək üçün hər cür yalanlar söyləyən Ermənistanın keçmiş ombudsmanı, “Tatoyan” adlı fondun direktoru Arman Tatoyanın böhtan xarakterli çıxışları ifşa olunub.

Bildirilib ki, bu “hüquq müdafiəçisi” Azərbaycana qarşı uydurma açıqlamaları ilə Ermənistan cəmiyyətini ələ salıb, onları çaş-baş vəziyyətə qoyub: “Belə uydurmalar ermənilərin reallığı görməsinə mane olur. Bu baxımdan “tatoyanlar” mənsub olduqları etnik qrupun əleyhinə fəaliyyət göstərmiş olurlar. Onlar belə fəaliyyəti və açıqlamaları ilə erməni xalqının əsl düşmənləridir. Həqiqəti öz xalqından gizli saxlamaq ona xəyanətdir”.

Qeyd olunub ki, A.Tatoyan Qərbi Azərbaycan haqqında heç də uzaq olmayan tarixi faktları, real hadisələri danaraq guya Qərbi Azərbaycanı bir ərazi olaraq tanımaq, qərbi azərbaycanlıları isə Ermənistan vətəndaşı kimi qəbul etmək istəmədiyini göstərməyə çalışır.

Sonda vurğulanıb ki, A.Tatoyan özünü balıq yaddaşlı göstərməklə qərbi azərbaycanlıların başına açdıqları faciəni, qətliamı ört-basdır etməyə çalışır: “Bu kateqoriyaya aid ermənilər türklərə, azərbaycanlılara pislik etmir, onlar belə yalan, uydurma, saxta çıxışları ilə öz etnoslarına, ermənilərə düşmən kəsilirlər. Odur ki, ermənilərin düşməni türklər deyil, öz etnoslarından olan belə balıq yaddaşlı ictimai-siyasi xadimlərdir. Onlar bu dünyagörüşlə erməniləri firavan gələcəyə deyil, bataqlığa sürükləyirlər”.