"Haber Global" Şuşada: Malıbəyli kəndində erməni vəhşiliyi

Qarabağdakı məscid ermənilər tərəfindən tövlə kimi istifadə olunub. Azərbaycan Ordusu bundan əvvəl də işğaldan azad edilən torpaqlarda bu acı mənzərənin şahidi olub.

Türkiyənin “Haber Global” kanalı mövzu ilə bağlı süjet hazırlayıb. Bildirilib ki, bu ağrılı mənzərə Şuşa rayonunun Malıbəyli kəndində görünüb. Məscid illər əvvəl yandırılıb, minarəsi dağıdılıb, qalan hissəsindən isə 30 illik işğal zamanı tövlə kimi istifadə olunub.

Süjetdə deyilib ki, 44 günlük müharibə zamanı işğaldan azad edilən torpaqlarda da ermənilərin məscidləri donuz tövləsinə çevirdiklərinin şahidi olunub: “Çünki ermənilər işğal etdikləri bütün torpaqlarda azərbaycanlıların inanc və dəyərlərinə də müharibə elan ediblər”.