"Laçın" məntəqəsindən yeni görüntülər

“Laçın” sərhəd-buraxılış məntəqəsində Beynəlxalq Qırmızı Xaç Komitəsi əməkdaşlarının müşayiəti ilə erməniəsilli şəxslərin növbəti keçidi təmin edilib.

Belə ki, təşkilata məxsus ümumilikdə 10 nəqliyyat vasitəsi Xankəndidən Gorus istiqamətində sərbəst şəkildə keçib.

Həmin nəqliyyat vasitələrinin içərisində 38 nəfər şəxs olub. Onlardan 5-i Beynəlxalq Qırmızı Xaç Komitəsinin üzvü, 10-u sürücü, 15 nəfəri xəstə, 6 nəfəri müşayiətçi, 2 nəfəri isə tibb işçisidir. Həmin şəxslərin sənədləri yoxlanılıb və sərbəst hərəkətlərinə imkan yaradılıb.

Bu, bir daha mülki ermənilərin sərhəd-buraxılış məntəqəsindən keçidində heç bir maneənin, hər hansı çətinliyin olmamasını göstərir. Həmçinin Ermənistanın Azərbaycan tərəfindən Laçın yolunu blokadada saxlandığı iddialarının yalan və böhtan olduğunu növbəti dəfə sübut edir.