Pleyeri seçin:
"Növbəti Zirvə görüşündə sizi Ankarada qəbul etməkdən məmnun olacağam" | Ərdoğan - Baku TV
“Türkiyə süni intellektin və rəqəmsal texnologiyaların imkanlarına xüsusi diqqət yetirərək COP31 iqlim konfransının keçirilməsinə fəal hazırlıq görür”.
Bunu Türkiyə Prezidenti Rəcəb Tayyib Ərdoğan Türk Dövlətləri Təşkilatının Dövlət başçılarının qeyri-rəsmi Zirvə görüşündə bildirib.
Türkiyə lideri qeyd edib ki, ölkə həmçinin aqrar sektorun dərin transformasiyasını həyata keçirir, bunun da məqsədi onun dayanıqlılığını artırmaq üçün texnoloji innovasiyalardan maksimum dərəcədə səmərəli istifadə etməkdir.
Bundan əlavə, Türkiyə Prezidenti bildirib ki, TDT-nin növbəti sammitinin cari ilin sonunadək Ankarada keçirilməsi planlaşdırılır.
Çıxışının sonunda Ərdoğan Türk birliyinin möhkəmləndirilməsinə verdiyi töhfəyə görə təşkilatın fəaliyyətdə olan sədri kimi Azərbaycana təşəkkür edib.
Kopyalandı
Seçilmişlər
