Rusiya sülh üçün şərtlərini açıqladı

“Ukrayna ilə sülh müqaviləsinin imzalanması üçün bu dövlət neytral olmalı, o cümlədən NATO və Avropa İttifaqına üzv olmamalıdır”.

Bunu Rusiya xarici işlər nazirinin müavini Mixail Qaluzin deyib. O bildirib ki, rəsmi Kiyev nüvə silahı əldə etməyəcəyini də təsdiqləməlidir.

“Həmçinin Ukraynanın demilitarizasiyası və denazifikasiyası, rusdilli vətəndaşların, rus dilinin və milli azlıqların hüquqlarının müdafiəsi, Rusiya ilə sərhəddən sərbəst gediş-gəlişin təmin olunması məcburi şərtdir. Rusiyanın fiziki və hüquqi şəxslərinə qarşı təqiblər dayandırılmalıdır. Bundan başqa, Ukrayna Silahlı Qüvvələrinin dağıtdığı infrastruktur bərpa olunmalıdır”, - deyə M.Qaluzin bildirib.

Nazir müavini əlavə edib ki, Krım, qondarma Donetsk və Luqansk xalq respublikaları, Zaporojye və Xerson vilayətlərinin sakinləri öz talelələrini özləri müəyyənləşdirməlidirlər.