Rusiya və Azərbaycan arasında hər gün 20 reys həyata keçirilir | İlham Əliyev

“Rusiya və Azərbaycanın müxtəlif şəhərləri arasında hər gün 20 reys həyata keçirilir”.

Bu sözləri avqustun 19-da Prezident İlham Əliyev Rusiya Prezidenti Vladimir Putinlə mətbuata bəyanatlarla çıxış edərkən deyib.

İlham Əliyev bildirib ki, hətta Sovet İttifaqı dövründə bu qədər qarşılıqlı reyslər olmayıb.

“Bu reyslər Azərbaycan və Rusiya daşıyıcıları arasında bərabər bölünüb. Bu, məhz ondan xəbər verir ki, insanlar arasında təmaslar mütəmadi xarakter daşıyır. Bu gün həmçinin ölkələrimizin vətəndaşları arasında qarşılıqlı səyahətlərin artdığını qeyd etdik. Energetika sferasında həm neft-qaz sektorunda, həm də elektrik enerjisi sahəsində vəziyyəti geniş təhlil etdik. Biz bu istiqamətdə fəal işləyirik və əminəm ki, gələcəkdə də fəaliyyətimizi əlaqələndirəcəyik”, – Azərbaycan Prezidenti vurğulayıb.