Rusiyadakı azərbaycanlıların səsvermədə iştirakı | 4 məntəqə yaradıldı
Azərbaycanın Rusiyadakı səfirliyində növbədənkənar prezident seçkisi ilə bağlı səsvermə prosesi artıq başlayıb.
Səfirlikdən verilən məlumata görə, Moskva və Moskva ətrafında daimi və ya müvəqqəti yaşayan, aktiv seçki hüququna malik Azərbaycan vətəndaşları səsvermədə iştirak edirlər. Səsvermə məntəqəsi Moskva vaxtı ilə saat 19:00-a qədər açıq olacaq.
Qeyd edək ki, Rusiyada daimi və müvəqqəti yaşayan Azərbaycan vətəndaşlarının prezident seçkisində səsvermə hüququndan istifadə edə bilmələri üçün ölkədə 4 seçki məntəqəsi yaradılıb. Onlardan ikisi Moskvada, biri isə Sankt-Peterburqda yerləşir. Ural, Sibir və Uzaq Şərq dairəsinə daxil olan regionlarda yaşayan vətəndaşlarımız isə Yekaterinburqdakı baş konsulluqlarımızda açılan seçki məntəqələrində səsvermədə iştirak edirlər.