Rusiyadan Ermənistandakı Aİ missiyasına qadağa

“Rusiya sərhədçiləri Avropa İttifaqının müşahidə missiyasının nümayəndələrini Azərbaycanla hərbi gərginliyin yarandığı Nerkin-And kəndinə buraxmırlar”.

Bu fikirləri Ermənistan Təhlükəsizlik Şurasının katibi Armen Qriqoryan jurnalistlərə açıqlamasında deyib.

Bildirib ki, belə bir problem var və rəsmi İrəvan bununla bağlı Rusiya tərəfi ilə danışıqlar aparacaq.

Təhlükəsizlik Şurasının katibi onu da aydınlaşdırıb ki, sözügedən ərazi Ermənistan-Azərbaycan sərhədinin yeganə hissəsidir ki, Rusiya sərhədçiləri Avropa İttifaqının müşahidə missiyasının nümayəndələrini ora buraxmırlar.