Rusiyalı deputatdan Bakıda mühüm mesaj | Səbrsizliklə gözləyirik!
Hətta ən yaxın ailədə də bəzən gərginlik olur. Əminəm ki, Rusiya və Azərbaycan ümumi anlaşmaya gələcək. Görürük ki, fikir ayrılığımız bir çox düşmənlərimizin faydasınadır. Vəziyyətə baxmayaraq, biz bu mərhələni keçəcəyik.
Bunu “Moskva-Bakı”ya müsahibəsində Rusiya Dövlət Dumasının üzvü İrina Rodnina deyib.
“Xalqlarımız arasında sadə insani münasibətlər çox önəmlidir. Onlar olub, var və olacaq. Azərbaycanda çoxlu dostum var. İndi Rusiya-Azərbaycan münasibətlərində yaranmış vəziyyət, şübhəm yoxdur, perspektivdə heç cür əks olunmayacaq. Rusiya ilə Azərbaycan arasında baş verənlər xoşagəlməzdir. Lakin bu, yekun nəticə deyil. Qarşılıqlı anlaşma, həll yolları axtarışı və barışıq gələcək.
Hamı təsdiq edər ki, Vladimir Putinlə İlham Əliyev arasında çoxdan yaxşı münasibətlər var. Heydər Əliyev təkcə sovet dövründə deyil, həm də Rusiya ilə Azərbaycan arasında münasibətlərin müasir tarixində Azərbaycan-Rusiya münasibətlərinin möhkəmlənməsinə böyük töhfə vermiş, onların inkişaf vektorunu qoymuşdur.
Son illər əlaqələrimizin inkişafını çox müsbət kimi xarakterizə etmək olar. 2022-ci ildə Rusiya və Azərbaycan müttəfiqlik haqqında Bəyannamə imzalayıb. Son dərəcə vacib sənəddir və buna əməl etməyə çalışırıq. MDB-yə üzv dövlətlər arasında gənc həmvətənlərin beynəlxalq oyunlarını, beynəlxalq məktəb idmanları festivalını keçiririk. Azərbaycanlılar gəlirlər. Biz onları ‒ Azərbaycan nümayəndələrini həmişə səbirsizliklə gözləyirik”, ‒ o bildirib.
#Rusiya Dövlət Duması teqi istifadə olunub
- Rusiyada miqrant əməyinin gələcəyi ilə bağlı müzakirələr
- Rusiya Dövlət Dumasının nümayəndəsi Azərbaycan-Rusiya münasibətlərindən danışdı
- ABŞ-nin sanksiyaları Rusiyanın bu sahəsini iflic etdi | Bu dəfə çağırış yox, xəbərdarlıq edildi
- Rusiya miqrantlara əlavə rüsumlar tətbiq edəcək? | Sensasiyalı xəbərin detalları
- Zatulindən iki ölkə ilə bağlı qalmaqallı açıqlama | Rusiyalıları ələ keçirməyi dayandırmasa...
