Rusiyalı politoloq Xankəndi hava limanındakı təxribatdan danışdı

Xankəndidə etiraz aksiyası keçirən separatçı rejim Rusiya sülhməramlılarının Xocalı aeroportunun yanında müvəqqəti yerləşən bazasının önündə toplaşıb.

Sosial şəbəkələrdə yayılan görüntülərdən aydın olur ki, həmin ərazidə Rusiya ilə yanaşı, Ermənistan və qondarma rejimin bayraqları dalğalanır.

Rusiyalı politoloq iddia edir ki, Azərbaycana qarşı bu təxribat Qarabağdakı ermənilər tərəfindən törədilib: “Qarabağadakı ermənilər təşviş içindədilər. Çünki başa düşürlər ki, iki il yarımdan sonra rusiya sülhməramlılarının Qarabağdakı fəaliyyəti sona çatacaq və bundan sonra ermənilər Azərbaycan vətəndaşlığını qəbul edib, Azərbaycan dilini öyrənməli olacaqlar. Əks halda, Qarabağı tərk edəcəklər.

Əvvəlcə onlar Ermənistan ordusuna güvənirdilər, Azərbaycan Ordusu bu güvəni darmadağın etdi. Sonra rus əsgərinin Azərbaycanla savaşacağına ümid etdilər, lakin bu mümkün deyil. Çünki Rusiya Azərbaycanla münaqişəyə girməyəcək. Rusiya sülhməramlıları da orada qalmayacaq. İndi isə onlar orda-burda öz bayraqlarını asaraq təsəlli tapmağa çalışırlar. Rusiya sülməramlıları da hələ ki, buna əhəmiyyət vermirlər.

Sülhməramlılar qəti şəkildə Rusiya rəhbərinin tapşırığını icra edirlər. Azərbaycan hərbçiləri ilə heç bir konfliktə girmirlər və sadəcə kənardan Azərbaycanın öz mövqelərini möhkəmləndirməsini və məntəqələr qurmasını seyd edirlər”.

Qeyd edək ki, separatçı rejim özlərinin yaratdığı süni humanitar böhranla əlaqədər etiraz aksiyası keçiriblər. Bildiriblər ki, sülhməramlıların bazası ətrafında çadırlar quraraq onların fəaliyyətinə mane olacaqlar.