Rusiyanın yardım maşınlarında nələr vardı?

Qarabağda yaşayan ermənilər şəhər ərazisində hərəkət edən, Rusiya Qırmızı Xaç Cəmiyyətinin onlar üçün göndərdiyi ərzaq və qeyri-ərzaq məhsulları ilə dolu TIR avtomobilinin şəkillərini sosial şəbəkədə paylaşaraq özlərə xas tərzdə “təşəkkür” ediblər.

“Bu yük maşınının keçməsi o demək deyil ki, “Laçın” yolu artıq Beynəlxalq Qırmızı Xaç Komitəsinin üzünə açıq olacaq. Burada prosesləri qarışdırmamaq vacibdir. “Laçın” yolunun Azərbaycanın gömrük qanunvericiliyinə tam uyğun şəkildə açılması üçün Komitənin yükləri də Ağdam yolu ilə getməlidir. Bu, Rusiya diplomatiyasının növbəti qələbəsidir. Rusiyaya “təşəkkür edirik”, – deyə paylaşımların birində qeyd edilib.

Bundan başqa, aclıqdan əziyyət çəkdiklərini iddia edən ermənilərin sözlərinə görə, göndərilən yük avtomobilində qida yox, yalnız yorğan və ədyal var. Bu azmış kimi, Xankəndidə yaşayan ermənilər Rusiya Qırmızı Xaç Cəmiyyətinin göndərdiyi yardım yükü ilə bağlı kinayəli zarafatlar da ediblər. Onlar üzərində ərzaq məhsullarının şəkilləri olan yorğanları paylaşaraq Rusiyanın yardımını ələ salıblar.