Sahib Alıyevdən media işçilərinə təbrik | İndiki kimi jurnalistlər heç olmayıb

“Azərbaycanda heç vaxt qlobal media müstəvisində ölkəmizi uğurla təmsil edə biləcək indiki qədər çox və hazırlıqlı jurnalistlər olmayıb”.

Bunu Milli Məclisin deputatı Sahib Alıyev deyib.

O, jurnalistlərin peşəkarlıq baxımından ölkəmizə zəfər qazandıranların önündə gedən xüsusi təyinatlılarımızdan heç də geri qalmayacaqlarına ümid etdiyini bildirib:

“Real TV”nin yüksək peşəkarlıq və prinsipiallığı ilə fərqlənən analitik proqramlarının, CBC-nin rus dilindəki tok-şoularının, “ARB 24” və “Baku TV”nin çevik xəbər siyasətinin, “İctimai TV”nin bütövlükdə fəaliyyətinin auditoriya tərəfindən rəğbətlə qarşılandığını böyük məmnuniyyətlə vurğulayaraq informasiya əsgərlərini Azərbaycan Televiziyası və Radiosu Günü, vətənin keşiyində duranları isə Zəfər Günü münasibətilə təbrik edirəm”.