Şarl Mişel Xankəndiyə gedən yollardan yazdı: Avropadan Qarabağ açıqlaması

"Laçın-Xankəndi və Ağdam-Xankəndi yolundan yüklərin eyni vaxtda keçməsini alqışlayırıq".

Bunu Avropa İttifaqı Şurasının prezidenti Şarl Mişel sosial şəbəkə hesabında yazıb. O qeyd edib ki, artıq Qarabağın erməni sakinlərinə yardımlar aparılır.

"Laçın və Ağdam üzərindən yüklərin eyni vaxtda keçməsini alqışlayırıq. İndi bu məsələ tam qaydaya salınmalıdır. Həmçinin Avropa İttifaqının dəstəkləməyə hazır olduğu hüquq və təhlükəsizlik üzrə Bakı və Qarabağın erməniəsilli əhalisi arasında danışıqlara başlamaq vacibdir. Avropa İttifaqı bunu dəstəkləməyə hazırdır", – deyə Şarl Mişel qeyd edib.

Xatırladaq ki, sentyabrın 18-də Ağdam-Xankəndi və Laçın-Xankəndi yolundan Beynəlxalq Qızıl Xaç Komitəsinin yük avtomobilləri keçib. Belə ki, Qarabağdakı qanunsuz rejim BQXK-nin Xankəndi ofisinin və Rusiya sülhməramlılarının komandanlığının birgə təklifini qəbul edib. Bu da onların Azərbaycanın şərtlərinə tabe olduğunu göstərir.