Seçicilərin nəzərinə | MSK katibindən yeni açıqlama

“2024-cü il fevralın 7-də keçiriləcək növbədənkənar Azərbaycan Respublikası Prezidenti seçkiləri ilə əlaqədar Milli Məclisin mətbəəsində seçki bülletenlərinin dairə seçki komissiyalarına paylanmasına başlanılıb. Nəzərdə tutulan seçki bülletenlərinin böyük əksəriyyəti çap edilib”.

Bu sözləri Mərkəzi Seçki Komissiyasının katibi Mikayıl Rəhimov jurnalistlərə açıqlamasında deyib.

O bildirib ki, ümumilikdə 6,5 milyondan bir qədər artıq seçki bülleteni çap edilib. Bu da seçicilərin ümumi sayından 3 faiz çoxdur. Seçki bülletenləri bütün dairə və seçki məntəqə komissiyalarına eyni qaydada göndəriləcək.

“Artıq Naxçıvan Muxtar Respublikası və işğaldan azad edilmiş ərazilərdə yerləşən məntəqələri təmsil edən dairə seçki komissiyalarının təmsilçiləri bülletenləri təhvil götürmək üçün dəvət olunublar”, – deyə MSK katibi vurğulayıb.