Pleyeri seçin:
Sərhədçilərimiz onların hərəkətlərini nəzarətdə saxlayır | Aİ missiyası nə iş görür?
Avropa İttifaqının Ermənistandakı Müşahidə Missiyasının üzvləri Azərbaycanla həmsərhəd ərazilərdə müşahidələrini davam etdirirlər.
“APA” xəbər verir ki, avropalı müşahidəçilər fevralın 17-də növbəti dəfə Qazax rayonu ilə həmsərhəd əraziyə gəliblər.
Onlar avtomobillərlə yol boyu hərəkət edib, binoklla Azərbaycan ərazilərinin müşahidəsini aparıblar. Azərbaycan sərhədçiləri müşahidə missiyasının hərəkətlərini nəzarət altında saxlayıb və qeydə alıb.
Xatırladaq ki, Avropa İttifaqının Ermənistandakı Müşahidə Missiyası mütəmadi olaraq Azərbaycanla sərhəd boyu müşahidələr aparır. Bu barədə Azərbaycan mediasında dəfələrlə görüntülər yayılıb.
Qeyd edək ki, Avropa İttifaqının Ermənistanın Azərbaycanla sərhədindəki 200 nəfərlik müşahidə missiyasının mandatı daha iki il – 19 fevral 2027-ci ilədək uzadılıb.
Kopyalandı
#Avropa İttifaqı teqi istifadə olunub
Seçilmişlər
