Sərkisyan Şuşa barədə təxribatçı sual verən jurnalistləri mat qoydu

“Mən bu gün dünyaya sülh mesajı göndərəcəyəm və hamını təbrik edəcəyəm”.

Bunu Ermənistan müdafiə nazirinin müavini Arman Sərkisyan Şuşa ilə bağlı erməni jurnalistlərin təxribatçı sualını cavablandırarkən deyib.

Jurnalistlər ondan Şuşanın “azad edilməsi günü” ilə bağlı cəmiyyəti təbrik edib-etmədiyini soruşduqda o, belə cavab verib:

“Mən bu günü dünyaya bir mesaj, sülh və harmoniya içində yaşamağın simvolu kimi qəbul edirəm. Hamımıza ehtiyatlı olmağı və öz hərəkətlərimizi buna uyğunlaşdırmağı arzu edirəm ki, həm regionda, həm də dünyada sülh hökm sürsün”.

Arman Sərkisyan həmçinin Şuşa ilə bağlı bu və digər sualları manipulyasiya cəhdi adlandırıb:

“Siz manipulyasiya edirsiniz və məni bura cəlb etmək istəyirsiniz”.

Ermənistan müdafiə nazirinin müavini jurnalistlərin digər təxribatçı suallarını da cavabsız qoyub.