Simonyandan sülh sazişi barədə vacib açıqlama | Bunlar gözlənilməz idi, amma...

Ermənistan və Azərbaycan arasında sülh sazişinin imzalanması prosesi dalana dirənməyib.

Bu barədə jurnalistlərə Ermənistan parlamentinin spikeri Alen Simonyan məlumat verib.

“Ola bilsin, bizim saziş imzalamaq təklifimiz Azərbaycan tərəfi üçün bir qədər gözlənilməz olub", − deyə A.Simonyan qeyd edib.

O, Kollektiv Təhlükəsizlik Müqaviləsi Təşkilatı ilə gələcək əməkdaşlıq barədə sualları cavablayarkən deyib ki, Ermənistan və Kollektiv Təhlükəsizlik Müqaviləsi Təşkilatı münasibətlərində dəyişikliklər gözlənilmir:

“KTMT, ilk növbədə, özü mövcud olub-olmadığını anlamalıdır. Bizim istiqaməti dəyişdiyimiz barədə qiymətləndirmələr həqiqətə uyğun deyil. Ermənistan və Rusiya münasibətlərində də heç nə dəyişməyib”.

A.Simonyan həmçinin bildirib ki, Ermənistan Azərbaycan və Rusiya baş nazir müavinləri səviyyəsində regional nəqliyyat kommunikasiyalarının açılması üzrə üçtərəfli komissiyanın işinə qayıtmaq niyyətində deyil.

Spiker vurğulayıb ki, hər iki ölkənin öz taleyini müstəqil həll etmək üçün kifayət qədər gücü var.