Şuşa fatehi Hikmət Mirzəyevlə bağlı qərar | Prezident imzaladı

Xüsusi Təyinatlı Qüvvələrin komandanı, general-leytenant Hikmət Mirzəyev müdafiə nazirinin müavini – Quru Qoşunların komandanı təyin olunub.

Bu barədə Azərbaycan Prezidenti İlham Əliyev Sərəncam imzalayıb.

Qeyd edək ki, Vətən Müharibəsi Qəhrəmanı, general-leytenant Hikmət Mirzəyev 1968-ci ildə Biləsuvarda anadan olub. O, Birinci Qarabağ müharibəsində xüsusi təyinatlı taborun tərkibində döyüşüb. Hikmət Mirzəyev ulu öndər Heydər Əliyevin prezident olduğu illərdə “polkovnik-leytenant” rütbəsini daşıyıb. Ona “polkovnik” rütbəsini də məhz Heydər Əliyev təqdim edib.

Hikmət Mirzəyev 2002-ci il yanvarın 19-da Heydər Əliyevin imzaladığı Sərəncamla “general-mayor” hərbi rütbəsini alıb.

O, 2020-ci il sentyabrın 27-də başlayan və noyabrın 10-dək davam edən Vətən müharibəsində Cəbrayılın və Şuşanın azad edilməsi əməliyyatlarına başçılıq edib.

Prezident İlham Əliyevin 2020-ci il oktyabrın 17-də imzaladığı Sərəncamla Hikmət Mirzəyevə “general-leytenant” hərbi rütbəsi verilib.

Onun adı tarixə Şuşa fatehi kimi yazılıb.