Türkiyə mediasında Füzuli ilə bağlı önəmli reportaj | BİZDƏN NƏ DANIŞIRLAR?

“Bizdən nə danışırlar?” verilişinin yeni buraxılışı yayımlanıb.

Verilişdə bildirilib ki, ABŞ Prezidenti Donald Tramp Rusiya lideri Vladimir Putinlə keçmiş Qarabağ münaqişəsi mövzusunda telefon danışığı aparması barədə danışıb.

D.Tramp bu haqda Vaşinqtonda keçirilən ABŞ-Səudiyyə Ərəbistanı İnvestisiya Forumunda çıxış edərkən bəhs edib.

“Mən bir çox müharibələrdə milyonlarla insanı xilas etdim. Azərbaycanda nələrin baş verdiyini bilirsiniz. Mən bu problemi həll etdim. Vladimir Putin mənə zəng edib “inana bilmirəm, sən hər şeyi həll etdin. Biz bunu uzun müddətdir həll etməyə çalışırdıq” dedi. Mən isə “bu barədə narahat olma. Sadəcə, imkan ver ki, sənin lənətə gəlmiş müharibəni həll edim. Mənim köməyə ehtiyacım yoxdur” söylədim”, – Ağ Evin rəhbəri qeyd edib.

Türkiyənin “TRT Haber” televiziya kanalı milyonlarla izləyicisini Azərbaycanın erməni işğalından azad edilmiş Füzuli rayonu ilə tanış edib.

Xəbər kanalının saytında yerləşdirilən fotoreportajda qeyd olunur ki, 44 günlük Vətən müharibəsi zamanı şiddətli döyüşlərin getdiyi Füzuli rayon mərkəzi və ətraf torpaqlar ziyarətçilər üçün nəzərdə tutulmuş ərazilər daxilində hərəkət etmək şərti ilə açıqdır.

Reportajda Azərbaycanın azad edilmiş ərazilərində davam edən bərpa işləri, eləcə də minatəmizləmə prosesi barədə məlumat verilib.