Türkiyə Prezidenti Rəcəb Tayyib Ərdoğan Şuşada qeyri-rəsmi zirvə toplantısına qatılacaq

Türkiyə Prezidenti Rəcəb Tayyib Ərdoğanın iyul ayı üzrə səfərlərinin siyahısı açıqlanıb.

Oxu.az bu barədə Türkiyə mediasına istinadən məlumat yayıb.

Belə ki, R.T.Ərdoğan 3-4 iyul tarixlərində Qazaxıstanın paytaxtı Astanada keçiriləcək Şanxay Əməkdaşlıq Təşkilatının Dövlət və Hökumət Başçılarının zirvə toplantısında iştirak edəcək.

Bundan sonra o, iyulun 6-da Şuşada keçiriləcək Türk Dövlətləri Təşkilatına üzv ölkələrin dövlət başçılarının qeyri-rəsmi zirvə toplantısına qatılacaq.

Qeyd edək ki, R.T.Ərdoğan 9-11 iyul tarixlərində ABŞ-nin paytaxtı Vaşinqtonda keçiriləcək NATO liderlərinin zirvə görüşündə də iştirak edəcək.