Türkiyədən Azərbaycana vacib zəng | Nələr müzakirə edildi?
Türkiyənin Cümhuriyyət Xalq Partiyasının (CHP) sədri Özgür Özəl Prezident İlham Əliyevə zəng edib.
Özgür Özəl Azərbaycanın ərazi bütövlüyünün bərpası, 44 günlük Vətən müharibəsində Qələbənin dördüncü ildönümü münasibətilə Prezident İlham Əliyevə və Azərbaycan xalqına təbriklərini çatdırıb, Vətən uğrunda mübarizədə canlarını fəda etmiş şəhidlərə Allahdan rəhmət diləyib.
“Qarabağın azad olunmasına öz torpaqlarımızın azad olunması qədər sevindik” deyən partiya sədri Mustafa Kamal Atatürkün “Azərbaycanın kədəri kədərimiz, sevinci sevincimizdir” ifadəsini xatırladıb.
Özgür Özəl Cümhuriyyət Xalq Partiyasının Avropa Şurası Parlament Assambleyasında və Sosialist İnternasionalında Azərbaycanı müdafiə etdiyini diqqətə çatdırıb.
Dövlət başçısı telefon zənginə və təbriklərə görə təşəkkürünü bildirib. Prezident İlham Əliyev qeyd edib ki, əvvəllər müəyyən yanlışlıqlar olub, amma bunlar keçmişdə qalıb.
Dövlət başçısı Yeni Azərbaycan Partiyası ilə CHP arasında əməkdaşlığın müsbət istiqamətdə cərəyan etdiyini vurğulayıb.
#Türkiyə teqi istifadə olunub
- Türkiyədə tapılan pilotsuz uçuş aparatı hansı ölkəyə məxsus imiş? - Baku TV CANLI
- Türkiyə və Azərbaycan koordinasiyalı addımlar atır
- Azərbaycan öz potensialını qardaş ölkə ilə birgə gücləndirməyə hazırdır | Samir Məmmədov
- Türkiyədən tarixi rekord | Hansı silah-sursatlar dünya bazarını fəth edir? - HƏRBİ XRONİKA
- Tarixi Kahramanmaraşın müasir "Azərbaycan məhəlləsi" | Sakindən duyğulandıran sözlər - Baku TV
