Ukraynadan antiterror tədbirlərinə reaksiya: Kiyev Azərbaycanı dəstəkləyir

Azərbaycan Ordusunun Qarabağda həyata keçirdiyi uğurlu lokal antiterror tədbirləri beynəlxalq birliyin də diqqət mərkəzindədir.

Ukraynalı siyasətçilər və hərbi ekspertlər də Azərbaycanın qərarını dəstəkləyir, Qarabağdakı antiterror tədbirlərinin separatçılarla üzləşən bütün bölgələr üçün beynəlxalq hüququn bərpası nöqteyi-nəzərindən nümunə ola biləcəyini vurğulayırlar.

“Ukrayna Qafqazla bağlı məsələlərdə əvəllər neytral mövqe tutmağa çalışıb. Amma Azərbaycanda bu gün müşahidə etdiklərimiz bir tərəfdən bizi sevindirir. Çünki Azərbaycan ədaləti bərpa edir. Digər tərəfdən, bu bizim üçün XXI əsrdə separatçılıq, totalitar dövlətlərin ərazi iddiaları ilə bağlı məsələlərin necə həll olunmasına dair bir nümunədir. Biz hazırda Azərbaycanın atdığı addımları, yəni bu ərazilərin demilitarizasiyasını alqışlayırıq”, – deyə Ali Radanın deputatı Lüdmila Buymister bildirib.

Qeyd edək ki, Ukraynanın bir sıra kütləvi informasiya vasitəsiləri də Azərbaycanın öz ərazisində separatçılara qarşı antiterror tədbirlərini geniş analiz edərək dəstəkləyirlər.