Xaçatryanın yalanlarına Azərbaycan Ordusunun verdiyi layiqli "cavab"
Azərbaycanla başlayan demarkasiya prosesinə qarşı çıxan revanşistlərin İrəvanda təşkil etdiyi bugünkü mitinqdə Ermənistan Baş Qərargah rəisinin keçmiş müavini Tiran Xaçatryan da çıxış edib.
O, guya delimitasiya nəticəsində Ermənistanın müdafiəsinin çökəcəyini, “çat yaranacağını” bildirib.
“Sonra bu boşluğu aradan qaldırmaq üçün illər lazım olacaq. Nəticədə təkcə kəndlər deyil, həm də bütün Ermənistan, ölkənin mövcudluğu həssas olur. Bütün bunlardan sonra müdafiə, istehkam, hazırlıq baxımından daha heç nəyimiz olmayacaq. O elə bir zonaya çevriləcək ki, düşmən oradan öz qüvvələrini və resurslarını maneəsiz hərəkət etdirə biləcək və genişlənəcək”, – T.Xaçatryan deyib.
Qeyd edək ki, Ermənistanın müdafiəsinin necə olmasından asılı olmayaraq, Azərbaycanın işğal altında olan kəndləri geri qaytarılmalıdır.
Digər tərəfdən, Azərbaycan Ordusunun qarşısında Ermənistanın bütün müdafiəsinin “həssas” olduğu 2021, 2022 və 2023-cü il əməliyyatları zamanı tam üzə çıxdı. Azərbaycan Ordusu sərhəddəki bütün strateji yüksəkliklərə nəzarət edir, o cümlədən Qafan aeroportunun da yaxınlığındadır.
Bu baxımdan yalnız bu delimitasiya ilə Ermənistanın müdafiəsinin “zəiflədiyini” iddia etmək yalandır.
#Ermənistan teqi istifadə olunub
- "Boşboğazlıqdan başqa heç nə yoxdur" | Prezidentdən revanşist dairələrə xəbərdarlıq - Baku TV
- Vladimir Putin: "Faydalı "boşanma" yolu ilə gedəcəyik"
- Ermənistanda seçki öncəsi gərginlik: Azərbaycana qarşı revanşizm artır? - Baku TV
- Azərbaycandan Ermənistana yanacaq göndərildi | 16 vaqon yola salındı - Baku TV
- Moskvanın iyunun 7-də keçiriləcək seçkilərlə bağlı gizli planı ifşa olundu - Baku TV CANLI
