Xalqımıza ziyan vurmaqla... | Zaxarova britaniyalı diplomatlarla bağlı bu dəfə sərt çıxış etdi

"Böyük Britaniyanın Moskvadakı səfirliyində fəaliyyət göstərən diplomatlar Rusiya xalqına zərər vurmaq məqsədi daşıyan müəyyən işlərə cəlb olunublar".

Bunu Rusiya Xarici İşlər Nazirliyinin rəsmi nümayəndəsi Mariya Zaxarova ölkə mətbuatına müsahibəsində deyib.

O qeyd edib ki, həmin diplomatların fəaliyyəti Vyana Konvensiyalarının hüdudlarından xeyli kənara çıxıb.

“Rusiya Federal Təhlükəsizlik Xidmətinin britaniyalı diplomatların fəaliyyəti ilə bağlı təqdim etdiyi qiymətləndirmələri biz də tam şəkildə bölüşürük. Lakin burada söhbət təkcə məsələnin formal tərəfində deyil, onların xalqımıza ziyan vurmağa yönəlmiş hərəkətlərindən gedir", – deyə M.Zaxarova vurğulayıb.

Qeyd edək ki, hərəkətlərində kəşfiyyat və təxribat izləri aşkarlanan Böyük Britaniyanın Moskvadakı səfirliyinin siyasi şöbəsinin altı əməkdaşının akkreditasiyası dayandırılıb.