Rusiya XİN-dən qəzaya uğrayan AZAL təyyarəsi ilə bağlı yeni açıqlama - Baku TV
Yeniliklərdən dərhal xəbərdar olun
"Rusiya ilə Azərbaycan arasında münasibətlər mehriban qonşuluq, qarşılıqlı hörmət və bir-birinin maraqlarının nəzərə alınması prinsipləri əsasında inkişaf edir".
Bu barədə "RİA Novosti"yə müsahibəsində Rusiya Xarici İşlər Nazirliyinin MDB ölkələri üzrə departamentinin direktoru Mixail Kaluqin bildirib.
"Biz çox şadıq ki, Azərbaycan, Rusiya və Qazaxıstan vətəndaşlarının həyatına son qoyan, bizim üçün ortaq faciəyə çevrilən 2024-cü ilin dekabrındakı aviasiya qəzası ilə bağlı səhifəni birlikdə çevirmək mümkün oldu", – deyə o qeyd edib.
Kaluqinin sözlərinə görə, bu, Rusiya Prezidenti Vladimir Putin və Azərbaycan Prezidenti İlham Əliyev arasında etibarlı dialoq olmadan mümkün olmazdı.
O həmçinin bildirib ki, Rusiyadan Xəzər dənizi boyunca Azərbaycan və İrandan keçən "Şimal-Cənub" Beynəlxalq Nəqliyyat Dəhlizinin qərb qolunun inkişafı üzrə işlər davam etdiriləcək.
"Bu meqalayihənin əhəmiyyəti Rusiya-Azərbaycan gündəliyinin çərçivəsindən xeyli kənara çıxır", – deyə Rusiya XİN nümayəndəsi vurğulayıb.
#Rusiya Xarici İşlər Nazirliyi teqi istifadə olunub
- Sülhün açarı Bakı və İrəvandadır? | Rusiya rəsmisindən açıqlama - Baku TV
- Polşadakı təlim Ukraynaya göndəriləcək qüvvələrin sınağıdır? - Baku TV
- Zaxarovadan Qərbə Ukrayna ilə bağlı sərt xəbərdarlıq - Baku TV CANLI
- "Rusiya Avropanın tələbləri ilə razılaşmayacaq" | Lavrovdan açıqlama
- Lavrovdan sensasiyalı sözlər: Moskvanın növbəti hədəfi nədir? - Baku TV CANLI
