Xarici əlaqələrdə Türkiyə modeli

Ötən gün Türkiyə Prezidenti R.T.Ərdoğan Sudanın Suveren Şurasının sədri Əbdül Fəttah əl-Burhan ilə telefon danışığı aparıb.

R.T.Ərdoğan bildirib ki, son günlər baş verən hadisələr Sudan xalqının 2018-ci ildən bu yana davam edən mübarizəsinə zərbə vuraraq, Türkiyənin də dəstəklədiyi keçid dövrünün uğurlarının əhəmiyyətini aşağı salır. O, ölkəsinin bundan sonra da Sudan dövlətinə və xalqına dəstəyini davam etdirəcəyini və vasitəçi kimi dialoq platforması təmin etməyə hazır olduğunu söyləyib.

Bu məsələdə də yardıma qaçan Türkiyə görürük. İstər öz regionunda, istərsə də fərqli qitələrdə. Dinindən və dilindən asılı olmayaraq, qardaş ölkə hər zaman dünyada əmin-amanlıq tərəfdarıdır. Xüsusilə müdafiə sənayesi sahəsində Türkiyənin ehtiyacı olan bütün dövlətlərin yardımına qaçmasına biz tez-tez şahid olmuşuq. İstər 44 günlük müharibədə Qarabağın, istərsə də Rusiyanın təzyiqlərinə qarşı Ukraynanın səmasında süzülən türk istehsalı PUA-lar öz vəzifələrini düşmənə qarşı layiqincə yerinə yetirib.

Bir sözlə, dünyada harada aclıq, müharibə, iqtisadi çətinlik varsa, oraya uzanan Türkiyə əlini görmək mümkündür. İllərdir olduğu kimi, bu gün də Rəcəb Tayyib Ərdoğan və onun qurduğu hakimiyyət yalnız sülh və rifah üçün çalışır.