XİN rəsmisindən "Laçın" postu ilə bağlı Ermənistana çağırış
“Ermənistanı tərəflərin mübahisəsini daha da gərginləşdirə biləcək hər hansı hərəkətdən çəkinmək və nəzarət-buraxılış məntəqəsinin fəaliyyətinə maneçilik törədən hərəkətlərinə son qoymaq barədə Beynəlxalq Ədalət Məhkəməsinin qərarına əməl etməyə çağırırıq”.
Bunu Azərbaycan xarici işlər nazirinin müavini Elnur Məmmədov “Twitter” hesabında yazıb.
“Ermənistanın yalanlarının əksinə olaraq, Beynəlxalq Ədalət Məhkəməsi keçid məntəqəsinin Laçın yolu boyunca hərəkəti pozduğunu aşkar etməyib. Nə də Azərbaycanın 22 fevral qərarını pozduğunu aşkarlayıb”, – deyə XİN rəsmisi qeyd edib.
Elnur Məmmədovun sözlərinə görə, iyulun 6-da Beynəlxalq Ədalət Məhkəməsi Ermənistanın Məhkəmənin 22 fevral 2023-cü il tarixli qərarının dəyişdirilməsi ilə bağlı müraciətini haqlı olaraq rədd edib.
![icon](/images/loading.png)