Yasamalda məntəqə sədri seçicilərin aktivliyindən danışdı

Bu gün Milli Məclisə növbədənkənar seçkilər keçirilir.

Parlament seçkilərində 125 deputat mandatı uğrunda 990 namizəd mübarizə aparır.

Baku TV 17 saylı Yasamal üçüncü seçki dairəsinin 23 saylı məntəqəsində səsvermə prosesi ilə bağlı son məlumatları çatdırıb.

“713 seçici qeydə alınıb. 85-90 yaşında olan seçicilərimiz də birbaşa məntəqəyə gələrək səsvermədə iştirak edirlər. Məntəqəmizə daşınan qutu ilə bağlı müraciət olmayıb”, – deyə məntəqə sədri Taleh Mansurov bildirib.