Yeni Kaledoniya rəsmisindən Azərbaycana minnətdarlıq

Milli Məclisdə "Yeni Kaledoniya: tarix, müasir çağırışlar və gözlənilən gələcək" mövzusunda elmi konfrans keçirilib.

Tədbirdə parlament üzvləri və Yeni Kaledoniyanın ölkəmizdə səfərdə olan nümayəndə heyətinin üzvləri iştirak ediblər.

Yeni Kaledoniya Konqresinin İnfrastruktur, Ərazi Planlaşdırılması, Davamlı İnkişaf, Energetika, Nəqliyyat və Rabitə Komitəsinin sədri Omayra Naiselin Azərbaycanın müstəqillik mübarizələrində kanak xalqının yanında olduğunu bildirib.

“Biz referenduma yenidən baxış keçirilməsini istəyirik. Bu məqsədlə artıq öz şikayətimizi müvafiq qaydada göndərmişik. Bu “referendum” kanak xalqının haqlarını qəsb edir. Məhz həmin səbəbdən ona qarşı mübarizə aparırıq. Azərbaycana müstəqillik mübarizəmizdə yanımızda olduğuna görə minnətdarlığımızı bildiririk”, – deyə Kaledoniya rəsmisi deyib.

Yeni Kaledoniya Senatının üzvü Moris Vimiansa Fransa hökumətini qınayıb:

“Fransa bu gün taktikasını dəyişib. Yeni Kaledoniyada bir sıra siyasi institutlar kanak xalqı tərəfindən idarə olunur. Məhz bu səbəbdən də rəsmi Paris ölkədəki bu sahədəki siyasətinə də dəyişikliklər etmək istəyir. Fransa hakimiyyətinin əsas maraqları bu prosesin yekunlaşması üzərində qurulub”.

İştirakçılar konfransın Fransanın 21-ci əsrdə apardığı müstəmləkə siyasətinin ifşası baxımından önəmli olduğunu söyləyiblər. Qeyd ediblər ki, Fransa dünyada müstəmləkəçilik siyasətini hələ də saxlayan yeganə ölkədir. Koledoniyalı rəsmilər düşünürlər ki, Fransa yerli xalqı quldarlıq rejimində olduğu kimi pulsuz işlətmək siyasəti yürüdür.