Yeni təyin olunan icra başçısı kimdir? | Prezidentdən mühüm sərəncam

Prezident İlham Əliyevin imzaladığı sərəncamla Ovni Muradov Naxçıvan Muxtar Respublikasının (MR) Babək Rayon İcra Hakimiyyətinin başçısı vəzifəsinə təyin edilib.

Ovni Muradov bu təyinata qədər Naxçıvan MR-in təhsil nazirinin müavini vəzifəsində çalışıb. Yeni başçı eyni zamanda bir müddət təhsil naziri vəzifəsini də icra edib.

Bundan əvvəl isə Babək rayon Nehrəm qəsəbə 2 nömrəli tam orta məktəbinin direktoru, Babək Rayon Təhsil Şöbəsinin müdiri olub.

İxtisasca tarixçi olan Ovni Muradov həm də keçmiş Tələbə Qəbulu üzrə Dövlət Komissiyasının məktəblilər üçün Tarix test toplusunun müəlliflərindən biridir.