Siyasət
Pleyeri seçin:
Zakir Həsənov Türkiyə HHQ komandanı ilə görüşdü | Nələr müzakirə edildi?
Müdafiə naziri Zakir Həsənov ölkəmizdə səfərdə olan Türkiyənin Hərbi Hava Qüvvələrinin komandanı Ziya Cemal Kadıoğlunun rəhbərlik etdiyi nümayəndə heyətini qəbul edib.
Nazir Azərbaycan-Ermənistan şərti sərhədində mövcud əməliyyat şəraiti ilə bağlı Türkiyə nümayəndə heyətini məlumatlandırıb.
Görüşdə eyni zamanda son zamanlar dünyada baş verən münaqişələrin, müasir döyüş üsullarının birgə təhlil olunması və öyrənilməsinin zəruriliyi xüsusi vurğulanıb. Həmçinin hərbi, hərbi-texniki əməkdaşlıq, regional təhlükəsizlik və digər məsələlərə dair ətraflı fikir mübadiləsi aparılıb.
Sonra Azərbaycan Ordusunun Baş Qərargah rəisi general-polkovnik Kərim Vəliyev və müdafiə nazirinin müşaviri Bəxtiyar Ersay qardaş ölkənin nümayəndə heyəti ilə görüşüb.
Görüşdə hərbi əməkdaşlığın inkişaf perspektivləri müzakirə olunub.
Səfər çərçivəsində türkiyəli nümayəndələr həmçinin Hərbi Hava Qüvvələrində olublar.
Kopyalandı
Seçilmişlər
