Zatulindən iki ölkə ilə bağlı qalmaqallı açıqlama | Rusiyalıları ələ keçirməyi dayandırmasa...

Rusiya-Azərbaycan arasında münaqişənin gələcək inkişafının ssenariləri tərəflərin danışıq səylərindən asılı olacaq.

Bunu Rusiya Dövlət Dumasının üzvü, ermənipərəst Konstantin Zatulin “Lenta.ru”ya deyib.

O həmçinin fürsətdən istifadə edərək Azərbaycana qarşı ənənəvi təbliğatını da davam etdirib.

“Bakının indi atdığı addımları nəzərə alsaq, Rusiya vətəndaşlarının bu ölkədə turizm, iş və ya hər hansı digər məqsədlərlə olması, sadəcə olaraq, təhlükəlidir. Azərbaycanla münaqişənin eskalasiyası və ya əksinə, dondurulması diplomatların danışıqlar səylərindən asılı olacaq. Hər halda bu hekayədən ibrət dərsi götürməliyik.

Bu məqamda Bakı nə təyyarə qəzasında, nə də azərbaycanlı mafiya başçılarının həbsində əli olmayan günahsız Rusiya vətəndaşlarını ələ keçirməyi dayandırmasa, Moskvanın bu ölkəyə səfərdən çəkinməyi tövsiyə etməkdən başqa yolu qalmayacaq”, ‒ K.Zatulin vurğulayıb.