Hakan Fidan — Türkiyənin xarici işlər naziri

Hakan Fidan 1968-ci ildə Ankaranın Hamamönü məhəlləsində anadan olmuşdur. Türkiyə Silahlı Qüvvələrinin Rabitə Məktəbini və Quru Qüvvələri Dil Məktəbini bitirən Fidan, akademik təhsilinin böyük hissəsini hərbi xidmət illərində tamamlamışdır. NATO missiyası çərçivəsində xaricdə görev icra edərkən ABŞ-ın Maryland Universitetində siyasət və idarəetmə elmləri üzrə bakalavr dərəcəsi almış, daha sonra Bilkent Universitetinin Beynəlxalq Münasibətlər şöbəsində magistratura və doktorantura təhsilini başa vurmuşdur. Hərbi xidmətdən sonra akademik fəaliyyətə yönələn Fidan Hacettepe və Bilkent universitetlərində beynəlxalq münasibətlər üzrə mühazirələr oxumuşdur.

Dövlət xidmətindəki vəzifələr

Dövlət idarəçiliyindəki karyerasında Fidan bir sıra mühüm vəzifələrdə çalışmışdır: Türkiyə Əməkdaşlıq və İnkişaf Agentliyinin (TİKA) sədri, Baş nazirlik yanında xarici siyasət və təhlükəsizlik məsələləri üzrə müavin, Beynəlxalq Atom Enerjisi Agentliyinin İdarə Heyətinin üzvü, Baş nazirin xüsusi nümayəndəsi. 27 may 2010-cu ildə Milli Kəşfiyyat Təşkilatının (MİT) müstəşarı vəzifəsinə təyin edilmiş və 13 il bu vəzifədə qalmışdır. Bu dövr ərzində Fidan Türkiyənin xarici siyasətinin kəşfiyyat boyutunu müəyyənləşdirən əsas şəxsə çevrilmişdir.

Xarici işlər naziri

28 may 2023-cü ildə keçirilmiş prezident seçkilərinin ikinci turunu izləyən kabinet dəyişikliyi zamanı Hakan Fidan xarici işlər naziri vəzifəsinə təyin edilmişdir. Uzun illər kəşfiyyat sahəsindəki təcrübəsi, beynəlxalq əlaqələri və strateji görmə qabiliyyəti onun bu vəzifəyə gəlişini Türkiyənin qəti xarici siyasətinin davamı kimi xarakterizə etməyə əsas verir. Evlidir, üç övladı var.