İlk dəfə mobil telefonla kimə zəng edilib?

1973-cü ilin aprelində Nyu-Yorkun mərkəzi küçələrindən birində əlində əcaib qurğunu saxlayıb telefonla danışan kişi hamının nəzərini özünə cəlb etməyi bacarmışdı.

Bu zaman küçədəki insanlar bəlkə də onun yadplanetli olmasını düşünüblər. Amma o, yadplanetli deyildi. Həmin insan mühəndis Martin Kuper idi. Əlindəki qəribə aparat isə ilk mobil telefon.

O, rəqib şirkətdə çalışan həmkarı Coel Engelə zəng vurmuşdu. Çünki həmkarına nə vaxtsa bu möcüzənin baş tutacağını söz vermişdi. Məhz bu zəng yeni mobil eranın başlanğıcı və əlaqə yaratmaq sahəsində inqilab idi.