14 bıçaq zərbəsi ilə qətlə yetirilən ananın fotoları yayıldı

Avqustun 21-də Sumqayıt şəhərində qətlə yetirilən 37 yaşlı Günay Zülfüqarovanın fotoları yayılıb. Onun Corat qəsəbəsi sakini olduğu bildirilir.

Qeyd edək ki, qadının yeniyetmə oğlu tərəfindən öldürüldüyü açıqlanıb. Belə ki, 16 yaşlı Əlfüqar Zülfüqarov aralarında yaranmış münaqişə zamanı 37 yaşlı Günay Zülfüqarovaya çoxsaylı bıçaq xəsarətləri yetirib. Nəticədə ana dünyasını dəyişib. Hadisə zamanı Əlfüqar 11 yaşlı qardaşı Hüseyni də bıçaqla yaralayıb.

Sumqayıt Tibb Mərkəzindən verilən məlumata görə, Zülfüqarlı Hüseyn Mahir oğluna travmatik hemopnevmotoraks diaqnozu qoyulub və cərrahi əməliyyat olunub. Vəziyyəti hazırda stabil ağır qiymətləndirilir.

Faktla bağlı Cinayət Məcəlləsinin qəsdən adam öldürmə və iki şəxsi qəsdən öldürməyə cəhd maddələri ilə cinayət işi başlanılıb.