500-ə yaxın məktəblinin həyatı təhlükədədir

Oğuzun 4 min nəfərə yaxın əhalisi olan Kərimli kəndində yerləşən məktəb təhlükə saçır.

Belə ki, 500-ə yaxın şagirdin təhsil aldığı məktəbdə bəzi sinif otaqlarının qapıları, pəncərələri, döşəmələri yararsız vəziyyətdədir. Ən böyük problem isə məktəb binasının qəzalı halda olmasıdır.

Məlumata görə, bu bina 30 il öncə, özü də hələ ötən əsrin əvvəllərindən mövcud olan köhnə məktəb binasının üzərində inşa edilib. Məktəbin həyətində həmin illərdən qalan və əsl xarabalığı xatırladan yarımtikililər isə az qala bir əsrlik tarixə şahidlik ediblər.