60-dan çox ölkəni gəzən Küngüt sakininin maraqlı kolleksiyası

Şəkinin Baş Küngüt kəndinin sakini Sadiq Mustafazadə uzun illərdir çaynik kolleksiyası toplamaqla məşğuldur. O, bunun üçün 30 ilə yaxın vaxt sərf edib.

Kolleksiyaçı dünyanın dörd bir yanından topladığı çaynikləri kəndin yaxınlığında, dağın zirvəsində inşa etdiyi məkanda, xüsusi bir yerdə sərgiləyir.

Kolleksiyada 6 qitədən, 65 ölkədən 350-yə yaxın çaynik var.

“10-15 faizi suvenirdir, qalanları isə işlək çayniklərdir. Kolleksiyanı ziyarət edənlər istədiyi çaynikdə çay sifariş edə bilərlər”, – deyə o qeyd edib.

Sadiq Mustafazadə bildirib ki, yaxın dostları da ona bu işdə – kolleksiya toplamaqda kömək edirlər.