Ailəsini atıb gedən ata Rusiyadan zəng etdi | Məni biabır etmisiniz - ARZUNUN VAXTI

“Arzunun vaxtı” verilişinin ötən buraxılışlarından birində avtomobil qəzası nəticəsində yataq xəstəsi olan 19 yaşlı Həmid Bağırovun atası tərəfindən tərk edildiyi barədə məlumat verilmişdi.

Gəncin atası Elşən Bağırov söylənilənlərin doğru olmadığını deyib:

“Məni biabır etmisiniz. Həmidin qəza keçirməsi barədə dekabrın 22-də xəbərim olub. O vaxt Rusiyaya yeni gəlmişdim, ona görə də qayıda bilməzdim. Mənə “sən bura gəlsən, polisə şikayət edəcəyik” deyirlər. Burada işləyirəm ki, pul qazanım, həm övladıma kömək edim, həm də qızıma cehiz alım”.

Həmidin anası Səidə İbrahimovanın sözlərinə görə, həyat yoldaşı ilə rəsmi olaraq ayrılıblar.

“Özüm ərizə verib ərimdən boşandım. Çünki o bizi atıb gedib. Mənə “sənin başına oyun açacağam” deyir. Əgər yaxşı ata olsaydı, övladım bu vəziyyətdə olmazdı, yanımızda olardı, birlikdə yaşayardıq. Ona nifrət edirəm, üzünü görmək istəmirəm”, – S.İbrahimova söyləyib.