Ailəsini qətlə yetirən Əhməd Əhmədovla bağlı yeni xəbər

İkisi uşaq olmaqla beş nəfər ailə üzvünü amansızlıqla öldürməkdə ittiham olunan Əhməd Əhmədovla bağlı Xətai Rayon Məhkəməsi qərar qəbul edib.

Ekspertizanın rəyinə əsasən, cəmiyyət üçün təhlükəli olduğu müəyyən olunan Əhməd saxlanıldığı istintaq təcridxanasından birbaşa xüsusi tibb müəssisəsinə köçürülüb.

Təkrar ekspertiza rəyinə əsasən, Əhmədin hadisəni anlaqsız vəziyyətdə törətdiyi təsdiqini tapıb. Hazırda cinayət işi üzrə ibtidai istintaq hərəkətləri aparılır.

Qanuni qüvvəyə minmiş məhkəmə hökmünə qədər Əhməd Əhmədov haqda xüsusi tibb müəssisəsinə yerləşdirmə təhlükəsizlik tədbiri qüvvədə qalacaq. Həmin vaxtdan sonra Ə.Əhmədovun gələcək taleyinə aydınlıq gətiriləcək.