Alman tədqiqatçı Cəlilabadda | Tarixi tapıntılar aşkarlandı

Cəlilabadın Cəfərxanlı kəndində yerləşən Paşatəpə qədim yaşayış məskənində tədqiqatlar aparılır.

2022-ci ildən başlanan araşdırmalar zamanı dulusçuluğa, qədim dini və əkin mədəniyyətinə dair qiymətli faktlar üzə çıxıb.

Ekspedisiyanın rəhbəri Vəfa Mahmudova bildirib ki, builki qazıntı sahəsi 400 kvadrat metrə yaxındır.

Aşkarlanan yaşayış məskəni Muğanın erkən əkinçilik tayfalarının fərqli ənənələrə malik olduğunu göstərir və abidənin tarixi əhəmiyyətindən xəbər verir.

Qeyd edək ki, bizim eradan əvvəl VI minilliyin birinci yarısına aid olan Paşatəpə ərazisində tədqiqatlar davam edir.