Pleyeri seçin:
Ana azyaşlı qızını küçədə qoyub getdi | Sığınacağın əməkdaşı hər şeyi danışdı - Baku TV
Bakıda ana öz azyaşlı övladına qarşı qeyri-insani rəftar nümayiş etdirərək cəmiyyətdə böyük rezonans doğurub. Baku TV-nin reportajına əsasən, gecə saat 01:00 radələrində bir qadın azyaşlı qızını küçənin ortasında tərk edib və uşağa təkbaşına sığınacağa getməsini tapşıraraq ərazidən uzaqlaşıb.
"Mehriban" Qadın və Uşaq Sığınacağının əməkdaşı Müşfiq Hümbətli hadisənin detallarını bölüşərək bildirib ki, uşaq sığınacaqdan təxminən 200-300 metr aralıda qoyulub. Azyaşlı qız qaranlıq küçələrlə təkbaşına hərəkət edərək sığınacağın qapısına qədər gəlib çıxa bilib. Sığınacaq əməkdaşları uşağı qarşıladıqdan sonra dərhal ətraf ərazidə ananı axtarsalar da, onu tapmaq mümkün olmayıb. Məlumata görə, uşaq sığınacağa qəbul edilib və məsələ ilə bağlı hüquq-mühafizə orqanlarına məlumat verilib. Videoda sığınacaq əməkdaşının o anlarla bağlı səmimi açıqlamaları, uşağın vəziyyəti və valideyn məsuliyyətsizliyinin ağır nəticələri barədə geniş təhlil yer alır.
Kopyalandı
#Mehriban Qadın və Uşaq Sığınacağı teqi istifadə olunub
Seçilmişlər
