Azərbaycan mədəniyyətinə ağır itki
Azərbaycan mədəniyyətinə ağır itki üz verib.
Mədəniyyət Nazirliyindən verilən məlumata görə, görkəmli yazıçı, nasir, dramaturq, tənqidçi, ədəbiyyatşünas, filologiya elmləri doktoru, professor, Azərbaycan Yazıçılar Birliyinin üzvü, Azərbaycan Respublikasının Xalq yazıçısı (1998), “İstiqlal” ordenli dövlət və ictimai xadim Elçin İlyas oğlu Əfəndiyev avqustun 3-də 82 yaşında vəfat edib.
Elçin Əfəndiyev 1943-cü il mayın 13-də Bakı şəhərində anadan olub. Onun “Mahmud və Məryəm”, “Ağ dəvə”, “Baş”, “Bayraqdarlar” kimi əsərləri Azərbaycan ədəbiyyatının qızıl fonduna daxil olub.
Elçin Əfəndiyev yalnız yazıçı kimi deyil, həm də ictimai-siyasi xadim kimi Azərbaycan dövlətçiliyinin və mədəniyyətinin inkişafında böyük xidmətlər göstərib. O, 1993-2018-ci illərdə Azərbaycan Respublikası Baş nazirinin müavini vəzifəsində çalışaraq ölkənin ictimai-siyasi və mədəni həyatında mühüm rol oynayıb.
Bununla yanaşı, 1980-ci illərin sonlarında “Vətən” Cəmiyyətinin sədri kimi xaricdə yaşayan azərbaycanlıların birliyinin və vətənlə əlaqələrinin möhkəmlənməsində, diaspor hərəkatının formalaşmasında əvəzsiz xidmətlər göstərib.
Azərbaycan ədəbiyyatında və mədəniyyətində müstəsna xidmətlərinə görə “İstiqlal” ordeni və digər yüksək dövlət mükafatları ilə təltif olunub.
#Mədəniyyət Nazirliyi teqi istifadə olunub
- Mədəniyyət Nazirliyi binanı sökdürdü, mənzilləri su basdı - Baku TV
- “5000 ziyarətçinin iştirakı gözlənilir” | Bakıda keçirilən festivalda əsas məqsəd...
- Məhsəti Gəncəvini əxlaqsız kimi göstərənlərin planı | Eks-nazirin qızının qalmaqallı filmi - Baku TV
- Mikayıl Müşfiqin Xızıdakı xatirə muzeyinin binasında və ətraf ərazidə təmir işləri aparılacaq
- Mədəniyyət tədbirlərindən kimlər və niyə kənarlaşdırılır? | AKTUAL GÜNDƏM
