Pleyeri seçin:
Azərbaycanda spirtli içkilər və tütün məhsulları bahalaşır
Alkaqollu içkilərin və tütün məmulatlarının qiyməti bahalaşır.
Yanvarın 1-dən qüvvəyə minən Vergi Məcəlləsinə edilən dəyişikliyə əsasən spirtli içkilərin və tütün məhsullarının aksiz dərəcələri artırılır.
Belə ki, nazik siqarların hər 1000 ədədi üçün aksiz dərəcəsi 43 manatdan 45,5 manata, tütündən hazırlanan siqaretlər və onların əvəzedicilərinin hər 1000 ədədi üçün 38,5 min manatdan 45,5 manata yüksəldilir.
Qızdırılma nəticəsində istehlak edilən tütün və tütün məhsullarının hər 1000 ədədi üçün aksiz dərəcəsi 14-dən 16 manata qaldırılır. Birdəfəlik istifadə üçün elektron siqaret, qəlyan və onların əvəzedicilərinin hər bir ədədi üçün aksiz dərəcəsi isə 25 qəpikdən 2 manata yüksəldilir.
İçməli spirt, o cümlədən etil spirti, araq, likör və konyakın hər litri üçün aksiz vergisi 4 manat 80 qəpik edilir. Şampan şərabı üçün aksiz dərəcəsi isə azaldılaraq 2 manat 6 qəpikdən 20 qəpiyə endirilir.
Kopyalandı
Seçilmişlər
