Dana əti adı ilə bunu yeyirmişik? - Bu məhsullarla bağlı dəhşətli faktlar ortaya çıxdı
Ucuz kolbasa məhsullarının satışı ilə bağlı mediada yayılan məlumat əsasında Bakı şəhəri, Nizami rayonu, Naxçıvanski küçəsində fəaliyyət göstərən "Kəngərli" firmasına məxsus bazarda Qida Təhlükəsizliyi Agentliyinin əməkdaşları tərəfindən monitorinq keçirilib.
Qurumdan verilən xəbərə görə, ət məhsullarından nümunələr götürülərək mikrobioloji göstəriciləri və tərkibindəki ətin mənşəyinin yoxlanılması məqsədilə Qida Təhlükəsizliyi İnstitutunun müvafiq laboratoriyasına təqdim edilib.
Sınaq nəticəsində dana əti basdırması məhsulunda at DNT-si aşkarlanıb.
Bununla əlaqədar bazarda fəaliyyət göstərən fiziki şəxs – Azad Rzayeva məxsus anbar və satış obyektində plandankənar yoxlama keçirilib. Baxış zamanı texniki normativ hüquqi aktların tələblərinin pozulduğu məlum olub.
Belə ki, obyektin qida təhlükəsizliyi qeydiyyatından keçmədən fəaliyyət göstərdiyi, qanunvericiliyin tələblərinə uyğun etiket məlumatları və müvafiq müşayiətedici sənədləri olmayan kolbasa, dana əti basdırması, çaxır, konyak və pendirlərin satışa çıxarıldığı, "Nemiroff" əmtəə nişanlı araq, konyak və çaxır məhsullarının idxal sağlamlıq aktının olmadığı, həmçinin pendir və dana əti basdırması məhsullarının soyuducudan kənarda, temperatur rejimi gözlənilmədən saxlanıldığı müəyyən edilib.
Faktla bağlı obyekt rəhbərliyi barəsində inzibati protokol tərtib olunub, satışa çıxarılan ət məhsulu, alkoqollu içki və pendirlərdən nümunələr götürülərək müayinəyə cəlb edilib.
#Nizami rayonu teqi istifadə olunub
- Bakıda internat məktəbinin yataqxanasında yanğın çıxdı | Hadisə yerindən görüntülər - Baku TV
- FHN yanğın baş verən binadan 8 nəfəri xilas etdi - Baku TV
- FHN yanğına müdaxilə etdi: 8 nəfər təxliyə olundu - Baku TV CANLI
- "Araşdıranda biləcəklər ki..." | Bakıda gül mağazasındakı dəhşətli yanğın barədə detallar - Baku TV
- "Harada gəldi, belə işlər görürlər" - Taksi parkı ilə avtoservis əməkdaşlarının mübahisəsi - Baku TV
