Cəmiyyət
Pleyeri seçin:
Biləsuvarda internet üzünə həsrət qalan kəndlər
Biləsuvarın Yuxarı Ağalı kəndi internet üzünə həsrət qalıb.
Kənd sakinləri deyirlər ki, hər ay müəyyən məbləğdə pul yığılsa da, internet demək olar ki, verilmir.
Mindən çox sakini olan kənddə internet ötən əsrin 70-ci illərində çəkilən rabitə xətləri ilə verilir. Külək əsəndə köhnə dirəklərdən keçən xətlərdə ya qırılma baş verir, ya da elektrik naqilləri ilə bu xətlər bir-birinə toxunur.
Sakinlər bildiriblər ki, məsələ ilə bağlı aidiyyəti qurumlara müraciət olunsa da, problem həll olunmayıb: “Dedilər ki, bir həftəyə internet çəkiləcək, iki ildir xəbər yoxdur”.
Məsələ ilə bağlı Rəqəmsal İnkişaf və Nəqliyyat Nazirliyindən bildirilib ki, sözügedən ünvanda aparılan araşdırma zamanı müəyyən edilib ki, həmin ərazidə rabitə xətləri texniki normalara uyğun çəkilib.
Nazirliyin həyata keçirdiyi “Onlayn Azərbaycan” layihəsi çərçivəsində müasir standartlara cavab verən fiber-optik kabelləşmə həyata keçirilir. Layihə çərçivəsində 2024-cü ilin sonunadək Biləsuvarın Yuxarı Ağalı, Muğan, Təzəkənd və Amankənd kəndləri də daxil olmaqla, ölkənin əksər regionlarının genişzolaqlı və yüksəksürətli internetlə təmin olunması planlaşdırılır.
Kopyalandı
Seçilmişlər
