Pleyeri seçin:
Birinci Qarabağ müharibəsinin itkin şəhidi Mübariz Şahmurov dəfn olunub
Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən Mübariz Ağahüseyn oğlu Şahmurovla vida mərasimi keçirilib.
Mərasim Bakıda şəhidin ailə üzvlərinə məxsus evdə baş tutub.
Vida mərasimində şəhidin ailə üzvləri, yaxınları, ictimaiyyət nümayəndələri iştirak ediblər.
Şəhidin oğlu Elşad Şahmurov eyni anda həm kədər, həm də sevinc hissi yaşadığını bildirib:
“Nəhayət ki, atam 33 il sonra öz adı və nəşi ilə torpağa tapşırıldı. Atamın torpağa tapşırılması bütün itkin şəhid ailələri üçün bir ümiddir”.
Vida mərasimindən sonra şəhidin nəşinin qalıqları Keşlə qəsəbəsində yerləşən Şəhidlər xiyabanında dəfn olunub.
Qeyd edək ki, M.Şahmurov 1992-ci il fevralın 26-da 29 yaşında Xocalıda şəhid olub.
Kopyalandı
Seçilmişlər
