Bu dəyişikliklər sürücüləri daha da bezdirdi | Yenilik adı ilə xaos yaratdılar - NECƏ OLMALIDIR?

“Necə olmalıdır?” rubrikasının yeni buraxılışında Mikayıl Müşfiq küçəsi ilə İsmayıl bəy Qutqaşınlı küçəsinin kəsişməsində sürücüləri narahat edən problemlə bağlı Baku TV-nin təklif etdiyi dəyişiklik və aidiyyəti qurumun bu məsələyə münasibəti diqqətə çatdırılıb.

Rubrikanın əvvəlki buraxılışında qeyd olunmuşdu ki, Mikayıl Müşfiq küçəsindən Nərimanov heykəli istiqamətində gedən nəqliyyat vasitələri üç zolaqla hərəkət edir. Üçüncü zolağın yalnız sağa dönməni əmr etməsi sürücülərin hərəkətinə ciddi şəkildə mane olur və günün pik saatlarında sıxlığın yaranmasına gətirib çıxarır.

Vurğulanmışdı ki, kəsişmədən sonra Nərimanov heykəli istiqamətində velosiped zolağı mövcud olmadığından onun kəsişməyə 30-40 metr qalmış ləğv edilməsi və həmin hissənin yalnız sağa dönən nəqliyyat vasitələri üçün ayrılması daha məqsədəuyğun olardı. Eyni zamanda sağa dönmə zolağının həm düzünə, həm də sağa hərəkətə icazə verəcək formada təşkili təklif edilmişdi.

Aidiyyəti qurum isə təklifin qəbul edilməməsinə əsas arqument kimi darboğaz effektini göstərib.